Article

ဆန်းစစ်လေ့လာချက် - အက်တမ် (ATOM) ၏ အခမဲ့ အွန်လိုင်းကျန်းမာရေး ဝန်ဆောင်မှုများ၊ အရေးပေါ် ကူညီထောက်ပံ့ပေးမှုများနှင့်အတူ လူမှုအသိုင်းအဝန်းများအပေါ် ပေးအပ်လှူဒါန်းမှုများ

14 Nov,2023 - Yangon | 2 mins read

ရေးသူ - ဦးဝင်းပိုင်ကျော်၊ အက်တမ် (ATOM) ၏ ဒုတိယအလုပ်အမှုဆောင်အရာရှိချုပ်

လူမှုအကျိုးပြုအစီအစဉ်တွေကို လုပ်ဆောင်သွားမယ်ဆိုပြီး ချမှတ်ထားတဲ့ အက်တမ် (ATOM) ရဲ့ သန္နိဌာန်အတိုင်း ၂၀၂၂ ခုနှစ်၊ စက်တင်ဘာလကတည်းက စပြီး အက်တမ် (ATOM) ဟာ လူမှုအသိုင်းအဝိုင်းတွေကို ကူညီထောက်ပံ့ပေးဖို့နဲ့ လူနေမှုဘဝတွေကို အဆင့်မြှင့်တင်ပေးဖို့အတွက် လှူဒါန်းကူညီမှုတွေကို ဆက်တိုက်လုပ်ဆောင်လာခဲ့ပါတယ်။ အခု ဆန်းစစ်လေ့လာချက်မှာဆိုရင် အဖွဲ့အစည်းအတွင်းမှာ လုပ်ငန်းလုပ်ကိုင်နေကြတဲ့ ကျွန်တော်တို့ရဲ့ ကြိုးစားအားထုတ်မှုတွေကို လမ်းညွှန်ပြသပေးနေတဲ့ အက်တမ် (ATOM) ရဲ့  ‘Beyond Better’ ကတိကဝတ် (၁၀) ချက်နဲ့အညီ အရင်နှစ်မှာ လုပ်ဆောင်ခဲ့တဲ့ ကျွန်တော်တို့ရဲ့ အသိအမှတ်ပြုစရာ လူထုနှင့်ထိတွေ့ဆက်သွယ်ရေးလှုပ်ရှားမှု (၅) ခုကို စုစည်းတင်ပြထားပါတယ်။

၁) Trust Oo နှင့် ပူးပေါင်းဆောင်ရွက်သည့် အွန်လိုင်းကျန်းမာရေး ဝန်ဆောင်မှု

COVID-19 ကပ်ရောဂါကြောင့် ဖြစ်ပေါ်နေတဲ့ ကျန်းမာရေးစိန်ခေါ်မှုတွေကို ကိုင်တွယ်ဖြေရှင်းနိုင်ဖို့ ၂၀၂၂ ခုနှစ်၊ စက်တင်ဘာလ ၃၀ ရက်နေ့မှာ အက်တမ် (ATOM) က Trust Oo နဲ့ ပူးပေါင်းဆောင်ရွက်ပြီး ၂၄ နာရီ၊ ၇ ရက်ပတ်လုံး အကန့်အသတ်မရှိ အခမဲ့ ဆွေးနွေးတိုင်ပင်နိုင်တဲ့ အွန်လိုင်းကျန်းမာရေး ဝန်ဆောင်မှုကို မိတ်ဆက်ခဲ့ပါတယ်။ ဒီဝန်ဆောင်မှုမှာဆိုရင် အထွေထွေရောဂါကုဆရာဝန်များ၊ အထူးကုဆရာဝန်ကြီးတွေနဲ့ ကျန်းမာရေးဆိုင်ရာကိစ္စရပ်တွေကို တိုင်ပင်ဆွေးနွေးနိုင်တဲ့ အစီအစဉ်တွေ ပါဝင်ပြီး ကျွန်တော်တို့ တန်ဖိုးထားရတဲ့ အက်တမ် (ATOM) အသုံးပြုသူ customer တွေအတွက် အရည်အသွေးမြင့် ကျန်းမာရေးဝန်ဆောင်မှုများကို ပိုမိုတိုးတက်ကောင်းမွန်လာစေဖို့ ရည်ရွယ်ထားခဲ့ပါတယ်။ ဒါ့အပြင် ကျွန်တော်တို့ အက်တမ် (ATOM) က အသုံးပြုသူ customer တွေကို ရေရှည်အကျိုးရှိစေနိုင်ဖို့အတွက် Trust Oo နဲ့ ပူးပေါင်းဆောင်ရွက်မှုသက်တမ်းကို နောက်ထပ်တစ်နှစ် ထပ်မံတိုးခဲ့‌ကြောင်းလည်း ကြေညာခဲ့ပါသေးတယ်။

၂) ‘ရောင်ပြန်မေတ္တာ အက်တမ်၏စေတနာ’ အစီအစဉ်

၂၀၂၂ ခုနှစ်၊ အောက်တိုဘာလကနေ ဒီဇင်ဘာလအထိ အက်တမ် (ATOM) က မြန်မာနိုင်ငံနေရာအနှံ့အပြားမှာရှိတဲ့ မြို့ပေါင်း (၇၀) ကျော်မှာ မြန်မာ့ပွဲတော်ကာလကို ပါဝင်ဆင်နွှဲရန် အလှူအတန်းနဲ့ ပါဝင်လှုပ်ရှားမှုပေါင်း (၂၀၀) ကျော်ကို ‘ရောင်ပြန်မေတ္တာ အက်တမ်၏စေတနာ’ လှုပ်ရှားမှုအစီအစဉ်နဲ့ စတင်ခဲ့ပါတယ်။ တစ်နည်းပြောရမယ်ဆိုရင် ကျွန်တော်တို့ အက်တမ် (ATOM) အနေနဲ့ မြန်မာငွေကျပ် သိန်းပေါင်း (၇,၀၀၀) ကျော်ကို စေတနာသဒ္ဒါတရားထက်သန်စွာ ခွဲဝေလှူဒါန်းခဲ့ကာ လူပေါင်း (၂၀၀,၀၀၀) ကျော်အတွက် အကျိုးပြုနိုင်ခဲ့တဲ့ အစီအစဉ်တစ်ခုလည်း ဖြစ်ပါတယ်။ ဒီကမ်ပိန်းအစီအစဉ်မှာဆိုရင် ဆန်နဲ့ အစားအသောက်တွေ ဝေငှခြင်းကနေ မိဘမဲ့ဂေဟာများကို စာအုပ်တွေနဲ့ ဘောပင်တွေ လှူဒါန်းခြင်းအထိ ပါဝင်ခဲ့တဲ့အပြင် အထူးသဖြင့် ပွဲတော်ရာသီတွေမှာ ယဉ်ကျေးမှုတန်ဖိုးတွေနဲ့ ကျွန်တော်တို့ရဲ့ လူမှုအသိုင်းအဝိုင်းကို ပြန်လည်ပေးဆပ်မှုစံနှုန်းတွေကို အလေးထားတဲ့ အက်တမ် (ATOM) ရဲ့ ကတိကဝတ်တွေလည်း ပါဝင်နေပါတယ်။

၃) ကရင်ပြည်နယ်နှင့် မွန်ပြည်နယ်ရှိ ရေဘေးသင့်ဒေသများကို ထောက်ပံ့လှူဒါန်းခြင်း

ကရင်ပြည်နယ်နဲ့ မွန်ပြည်နယ်တို့မှာ ရေကြီးမှုဒဏ်ကြောင့် ပျက်စီးဆုံးရှုံးမှုတွေ ဖြစ်ပေါ်နေတဲ့အချိန်မှာ အက်တမ် (ATOM) က မြန်မာငွေကျပ် သန်းပေါင်း (၅၃.၈) သန်းတန်ဖိုးရှိ အရေးပေါ်ထောက်ပံ့ရေးပစ္စည်းတွေကို ၂၀၂၃ ခုနှစ်၊ ဇွန်လ ၉ ရက်မှာ လျင်မြန်ထိရောက်စွာ ပေးအပ်လှူဒါန်းနိုင်ခဲ့ပါတယ်။ အက်တမ် (ATOM) ရဲ့ အခြေခံစားသောက်ကုန်တွေ၊ ရေသန့်စင်ဆေးပြားတွေနဲ့ ဓာတ်ဆားရည်တွေကို အဓိကထားလှူဒါန်းမှုက ရေဘေးသင့်ဒေသတွေမှာရှိတဲ့ အိမ်ထောင်စုပေါင်း (၂,၀၀၀) ခန့်ကို တိုက်ရိုက်အကျိုးပြုနိုင်ခဲ့ပါတယ်။ အခုလိုမျိုး လူသားချင်းစာနာထောက်ထားမှု အကူအညီတွေကို ထိထိရောက်ရောက် လျင်လျင်မြန်မြန် လှူဒါန်းနိုင်ခဲ့တာက အခက်အခဲကြုံတွေ့နေချိန်မှာ လူမှုအသိုင်းအဝိုင်းနဲ့အတူ တစ်သားတည်းရပ်တည်ကာ ပံ့ပိုးကူညီမယ်ဆိုတဲ့ အက်တမ် (ATOM) ရဲ့ ဆန္ဒကို မီးမောင်းထိုးပြနေပါတယ်။

၄) ဆိုင်ကလုန်း မိုခါး ဝင်ရောက်မှုအပြီးတွင် ပြန်လည်ထူထောင်ရေးလုပ်ငန်းများအတွက် ကူညီထောက်ပံ့ခြင်း

ဆိုင်ကလုန်း မိုခါး ဝင်ရောက်မှုအပြီးနောက်ပိုင်း ရခိုင်ပြည်နယ်က ပြန်လည်ထူထောင်ရေးလုပ်ငန်းတွေကို ကူညီထောက်ပံ့နိုင်ဖို့အတွက် အက်တမ် (ATOM) က ၂၀၂၃ ခုနှစ်၊ ဩဂုတ်လ ၁၇ ရက်နေ့မှာ မြန်မာငွေ သိန်းပေါင်း (၂၁၂,၂၈၇,၅၀၀) ကျပ်တန်ဖိုးရှိတဲ့  အခြေခံအသုံးအဆောင်ပစ္စည်းတွေနဲ့ ဆောက်လုပ်ရေးပစ္စည်းတွေ လှူဒါန်းခဲ့ပါတယ်။ အက်တမ် (ATOM) က We Love Rakhine အဖွဲ့အစည်းနဲ့  ပူးပေါင်းပြီး လုပ်ဆောင်ခဲ့တဲ့ ဒီလှူဒါန်းမှုဟာဆိုရင် အိမ်ထောင်စုပေါင်း (၂၅၀) လောက်ကို အစားအစာတွေနဲ့ နေအိမ်တွေ ပြန်လည်တည်ဆောက်ဖို့ လိုအပ်တဲ့ပစ္စည်းတွေကို ထောက်ပံ့ပေးနိုင်ခဲ့ပါတယ်။ အခုလိုကူညီလှူဒါန်းမှုက အက်တမ် (ATOM) ရဲ့ လူသားချင်းစာနာထောက်ထားမှု ဖေးမကူညီခြင်းနှင့် ပြန်လည်ထူထောင်ရေးအစီအစဉ် (Humanitarian Care & Rehabilitation Programme) တစ်စိတ်တစ်ပိုင်းကို ထင်ဟပ်နေပါတယ်။

၅) ပဲခူးတိုင်းဒေသကြီးတွင် ဖြစ်ပွားခဲ့သော ရေကြီးရေလျှံမှုအတွက် အကူအညီများ ပေးအပ်လှူဒါန်းခြင်း

၂၀၂၃ ခုနှစ်၊ အောက်တိုဘာလ ၁၀ ရက်နေ့က ပဲခူးတိုင်းဒေသကြီးမှာ ဖြစ်ပွားခဲ့တဲ့ ရေကြီးရေလျှံမှုဒဏ်ကို ကြုံတွေ့ခံစားခဲ့ရတဲ့ ကျွန်တော်တို့ရဲ့ အသုံးပြုသူ customer တွေကို ကူညီထောက်ပံ့ပေးနိုင်ဖို့အတွက် မြန်မာငွေကျပ် သန်းပေါင်း (၆၀)  လှူဒါန်းခဲ့တာကို အက်တမ် (ATOM) က ကြေညာခဲ့ပါတယ်။ ဒီလှူဒါန်းမှုမှာဆိုရင် ရန်ကုန်နဲ့ ပဲခူးတိုင်းဒေသကြီးက အကူအညီများ ဝေမျှပေးဖို့ စိတ်အားထက်သန်ကြတဲ့ အက်တမ် (ATOM) ဝန်ထမ်းများကလည်း အခြေခံစားသောက်ကုန်တွေနဲ့ ရေသန့်စင်ဆေးပြားတွေ အပါအဝင်  တခြား မရှိမဖြစ်လိုအပ်တဲ့ ထောက်ပံ့ရေးပစ္စည်းများကို ထောက်ပံ့ပို့ဆောင်ရေးအခက်အခဲတွေကြားထဲကနေ ရေဘေးသင့်ဒေသမှာရှိတဲ့ အိမ်ထောင်စုပေါင်း (၂,၀၀၀) ခန့်ကို လျင်မြန်ထိရောက်စွာ ပို့ဆောင်နိုင်ဖို့အတွက် ကြီးကြပ်ဆောင်ရွက်ခဲ့ကြပါတယ်။

အခုဆန်းစစ်လေ့လာချက်မှာ ဖော်ပြထားတဲ့ အက်တမ် (ATOM) ရဲ့ တာ​ဝန်​သိ ​လူ​မှု​အ​ကျိုး​ပြုလုပ်ငန်းတွေအတွက် ကြိုးပမ်းအားထုတ်မှုတွေကို ကျွန်တော့်အနေနဲ့ သိရှိသုံးသပ်ခဲ့ရတဲ့နောက်ပိုင်းမှာတော့ လူမှုအသိုင်းအဝိုင်းတွေအတွက် ကောင်းမွန်တဲ့ ဝန်ဆောင်မှုတွေအပြင် ကျန်းမာရေးနဲ့ ခံနိုင်ရည်ရှိမှုတွေကို ပေးအပ်ဖို့ အမြဲဦးစားပေးစဉ်းစားတဲ့ အက်တမ် (ATOM) လိုမျိုး ကုမ္ပဏီမှာ တစ်ထောင့်တစ်နေရာကနေ တာဝန်ထမ်းဆောင်နေရတဲ့အတွက် ကိုယ့်ကိုယ်ကိုယ် ဂုဏ်ယူဝမ်းမြောက်မိပါတယ်။

အက်တမ် (ATOM) ရဲ့ တာဝန်သိ လူမှုအကျိုးပြုအစီအစဉ် (Corporate Responsibility) ရဲ့ အဓိက ဦးတည်ချက်သုံးခုဖြစ်တဲ့ ပညာရေးနှင့် ကျန်းမာရေးကဏ္ဍများကို ဒစ်ဂျစ်တယ်စနစ်ကူးပြောင်းခြင်း၊ လူမှုဘဝနှင့် ပညာရေး ဖွံ့ဖြိုးတိုးတက်ရေး နှင့် လူသားချင်းစာနာထောက်ထားမှု ဖေးမကူညီခြင်း စသည့် ရည်ရွယ်ချက်များအတိုင်း မြန်မာနိုင်ငံနဲ့  ပြည်သူပြည်သားတွေအတွက် ပိုမိုသာလွန်ကောင်းမွန်တဲ့ အနာဂတ်ကို လျှောက်လှမ်းနိုင်ဖို့ ပံ့ပိုးကူညီမှုများ ထပ်မံပြုလုပ်ဖို့အတွက်လည်း ကျွန်တော်တို့က အစဉ်အမြဲကြိုးပမ်းနေကြောင်း နိဂုံးချုပ်ပြောကြားလိုပါတယ်။