We'd like to send you notifications of the latest posts and updates
We'd like to send you notifications of the latest posts and updates
Press Release
09 Dec,2023 - Yangon | 3 mins read
ရန်ကုန်မြို့၊ မြန်မာနိုင်ငံ၊ ၂၀၂၃ ခုနှစ် ဒီဇင်ဘာလ ၈ ရက်နေ့ - မြန်မာနိုင်ငံ၏ အကောင်းဆုံး 4.5G VoLTE ဝန်ဆောင်မှု ပေးအပ်လျက်ရှိသည့် အက်တမ် (ATOM) သည် နှစ်သစ်ကူးပွဲတော်အချိန်အခါသမယကို ဂုဏ်ပြုကြိုဆိုသောအားဖြင့် ‘မျှဝေခံစား အက်တမ်၏နှလုံးသား’ အစီအစဉ်ကို အစပျိုးလှုပ်ရှားမှုပေါင်းများစွာဖြင့် စတင်လိုက်ပြီဖြစ်သည်။ မြန်မာနိုင်ငံတစ်ဝှမ်းရှိ လူမှုအသိုင်းအဝိုင်းများကို ကူညီအားပေးနိုင်ရန် ရည်ရွယ်ထားပြီး တစ်နိုင်လုံးအတိုင်းအတာဖြင့် စတင်ဆောင်ရွက်သွားမည့် ဤအစီအစဉ်တွင် လှူဒါန်းမှုနှင့် ပါဝင်လှုပ်ရှားမှုပေါင်းများစွာပါဝင်ပြီး ၂၀၂၃ ခုနှစ်၊ ဒီဇင်ဘာလမှ ၂၀၂၄ ခုနှစ်၊ ဖေဖော်ဝါရီလအထိ ဆောင်ရွက်သွားမည်ဖြစ်သည်။
ယမန်နှစ်အစီအစဉ်၏ အောင်မြင်မှုရလဒ်များအပေါ် အခြေခံပြီး စေတနာတုံ့ပြန့်လေ့ရှိသည့် ဓလေ့ထုံးတမ်းတန်ဖိုးများနှင့်အညီ အက်တမ် (ATOM) ၏ ‘မျှဝေခံစား အက်တမ်၏နှလုံးသား’ အစီအစဉ်သည် မကြာသေးမီကာလက သဘာဝဘေးအန္တရာယ်ကြုံတွေ့ခံစားခဲ့ရသည့် လူမှုအသိုင်းအဝိုင်းများအပါအဝင် နိုင်ငံအတွင်းရှိ မြို့နယ်ပေါင်း (၂၀၀) ကျော်မှ လူမှုအသိုင်းအဝိုင်းများကို ထောက်ပံ့ကူညီပေးသွားမည်ဖြစ်သည်။
ဤအစပျိုးလုပ်ဆောင်မှု၏ တစ်စိတ်တစ်ပိုင်းအနေဖြင့် အက်တမ် (ATOM) သည် ပညာရေး၊ ကျန်းမာရေးနှင့် လူမှုအသိုင်းအဝိုင်းကူညီထောက်ပံ့ရေးများကို အဓိကထားသည့် လှူဒါန်းမှုနှင့် ပါဝင်လှုပ်ရှားမှုပေါင်း (၄၀၀) နီးပါးအတွက် မြန်မာငွေကျပ် သန်းပေါင်း (၅၆၀) ကျော်ကို ခွဲဝေအသုံးပြုရန် လျာထားပြီးဖြစ်သည်။ အဆိုပါ အစီအစဉ်များအတွင်း မိသားစုပေါင်း (၁၁၂,၅၀၀) ကျော်အတွက် ဆန်နှင့် ခေါက်ဆွဲခြောက်များ၊ စာအုပ်နှင့် ဘောပင်များ၊ ဘာသာရေးဆိုင်ရာ လှူဒါန်းမှုများ၊ ဟင်းသီးဟင်းရွက်မျိုးစေ့များနှင့် အပင်အိတ်များကဲ့သို့သော အိမ်တွင်းစိုက်ပျိုးရေးအတွက် မရှိမဖြစ်လိုအပ်သည့်ပစ္စည်းများနှင့် စားသောက်ကုန်များ ဝယ်ယူနိုင်သည့် လက်ဆောင်ဘောင်ချာများ အစရှိသည်တို့ကို ပေးအပ်သွားမည့် အစီအစဉ်များလည်း ပါဝင်သည်။ ထို့အပြင် အွန်လိုင်းမှ တစ်ဆင့်ကျန်းမာရေးဆွေးနွေးဝန်ဆောင်မှုများကို ပေးအပ်လျက်ရှိသည့် အက်တမ် (ATOM) ၏ Telemedicine အစီအစဉ်မှလည်း အခမဲ့ကွင်းဆင်း ကျန်းမာရေးတိုင်ပင်ဆွေးနွေးမှုများကို စီစဉ်ဆောင်ရွက်ပေးသွားမည်ဖြစ်သည်။
“ဒီ ‘မျှဝေခံစား အက်တမ်၏နှလုံးသား’ အစီအစဉ်ဟာ အက်တမ် (ATOM) အနေနဲ့ ဝန်ဆောင်မှုပေးနေတဲ့ လူမှုအသိုင်းအဝိုင်းအတွက် ကောင်းကျိုးချမ်းသာတွေ ယူဆောင်လာပေးမယ်ဆိုတဲ့ ကတိကဝတ်ကို ထင်ဟပ်ပြသနေပါတယ်။ ဒီအစပျိုးမှုက ပြီးခဲ့နှစ်က အောင်မြင်ခဲ့တဲ့ ကျွန်တော်တို့ရဲ့ ကြိုးစားအားထုတ်မှုရလဒ်တွေအပေါ်မှာ အခြေခံထားတာဖြစ်ပြီး ကျွန်တော်တို့ ယုံကြည်ချက်အရဆိုရင် အစစ်အမှန် ဆက်သွယ်ချိတ်ဆက်မှုဆိုတာ တယ်လီဖုန်းဆက်သွယ်ရေးဝန်ဆောင်မှုတွေပေးအပ်တာထက် ပိုပါတယ်။ အစစ်အမှန် ဆက်သွယ်ချိတ်ဆက်မှုမှာ အခုလိုမျိုး လူမှုအသိုင်းအဝိုင်းတွေအပေါ် ချစ်ခြင်းမေတ္တာတွေ ဝေမျှပေးရင်း အချင်းချင်း စေတနာတုံ့ပြန်မှုတွေ ပါဝင်ပတ်သက်နေတယ်ဆိုတဲ့အကြောင်းကို ဒီအစီအစဉ်ကနေတစ်ဆင့် အလေးပေးဖော်ပြလျက်ရှိပါတယ်။ အရင်နှစ်ကလိုပဲ ဒီနှစ်မှာလည်း ‘မျှဝေခံစား အက်တမ်၏နှလုံးသား’ အစီအစဉ်လှုပ်ရှားမှုတွေကို အက်တမ် (ATOM) မှာရှိတဲ့ အသင်းအဖွဲ့များနဲ့ ဝန်ထမ်းများက လုပ်အားပေးကူညီဆောင်ရွက်သွားမှာဖြစ်ပါတယ်။ ဒီအစီအစဉ်လှုပ်ရှားမှုတွေကို စတင်လုပ်ဆောင်နေချိန်မှာ ကျွန်တော်တို့ရဲ့ အခုလိုမျိုး ပူးပေါင်းဆောင်ရွက်မှုတွေကနေတစ်ဆင့် အားလုံးအတွက် အကျိုးသက်ရောက်မှုကောင်းများစွာကို လှိုင်းလုံးသဖွယ် ဖန်တီးယူဆောင်လာနိုင်ပြီး အားပေးကူညီရာရောက်မယ်ဆိုတာကို ကျွန်တော်တို့ အက်တမ် (ATOM) က နှလုံးသွင်းနားလည်ထားပါတယ်။” ဟု အက်တမ် (ATOM) ၏ ဒုတိယအမှုဆောင်အရာရှိချုပ် ဦးဝင်းပိုင်ကျော် က ပြောကြားခဲ့သည်။
ယခု ‘မျှဝေခံစား အက်တမ်၏နှလုံးသား’ လှုပ်ရှားဆောင်ရွက်မှုများမှတစ်ဆင့် ဘုန်းကြီးကျောင်းများ၊ မိဘမဲ့ကလေးဂေဟာများ၊ ဘုန်းတော်ကြီးသင်ပညာရေးကျောင်းများ၊ လူမှုအသိုင်းအဝိုင်းများ၊ လူငယ်များနှင့် မိသားစုများနည်းတူ အက်တမ် (ATOM) အသုံးပြုသူ customer များပါ အကျိုးခံစားခွင့်ရရှိသွားမည်ဖြစ်သည်။ အက်တမ် (ATOM) သည် မြန်မာနိုင်ငံအတွက် အင်္ဂလိပ်ပရီးမီးယားလိဂ် (English Premier League - EPL) ၂၀၂၃-၂၀၂၄ ခုနှစ် ဘောလုံးရာသီပံ့ပိုးကူညီသူဖြစ်သည်နှင့်အညီ လူငယ်များအတွက်လည်း ဘောလုံးအားကစားနှင့်သက်ဆိုင်သော လှုပ်ရှားမှုများကိုလည်း စီစဉ်ထားပြီးဖြစ်ပါသည်။
‘ရောင်ပြန်မေတ္တာ အက်တမ်၏စေတနာ’ အစပျိုးလှုပ်ရှားခဲ့မှုများသည် မြန်မာလူမှုအသိုင်းအဝိုင်းအတွင်း နက်ရှိုင်းစွာ ကိန်းအောင်းတည်ရှိနေသော စေတနာတရားနှင့် စည်းလုံးညီညွတ်မှု၏တန်ဖိုးကို ထိန်းသိမ်းလေးစားရန်ဆိုသည့် အက်တမ် (ATOM) ၏ ကတိကဝတ်နှင့်အညီ ဆောင်ရွက်ခြင်းဖြစ်သည်။
၂၀၂၂ ခုနှစ်၊ အောက်တိုဘာလမှ ဒီဇင်ဘာလအတွင်း ဆောင်ရွက်ခဲ့သော ‘ရောင်ပြန်မေတ္တာ အက်တမ်၏စေတနာ’ လှုပ်ရှားမှုကာလအတွင်း အက်တမ် (ATOM) သည် လူပေါင်း (၂၀၀,၀၀၀) ကျော်ကို အကျိုးပြုစေသော လှူဒါန်းမှုနှင့် ပါဝင်လှုပ်ရှားမှုပေါင်း (၂၀၀) ကျော်ကို ဆောင်ရွက်ခဲ့ပါသည်။ ထိုကဲ့သို့ လှုပ်ရှားဆောင်ရွက်မှုများတွင် ဆန်နှင့် စားသောက်ကုန်များ လှူဒါန်းမှု၊ မိဘမဲ့ကလေးဂေဟာများနှင့် ဘုန်းတော်ကြီးသင် ပညာရေးကျောင်းများကို စာအုပ်နှင့် ဘောပင်များ ကူညီထောက်ပံ့ပေးမှု၊ ဘုရားများတွင် ဘုရားဖူးများကို ပဋ္ဌာန်းစာအုပ် ပေးအပ်လှူဒါန်းမှုနှင့် အခြား အဓိပ္ပာယ်ပြည့်ဝသော ကြိုးစားအားထုတ်မှုပေါင်းများစွာ ပါဝင်သည်။
‘မျှဝေခံစား အက်တမ်၏နှလုံးသား’ အစီအစဉ်နှင့်ပတ်သက်သော အက်တမ် (ATOM) ၏ လှုပ်ရှားဆောင်ရွက်မှုများကို နောင်လာမည့်ရက်သတ္တပတ်များတွင် အက်တမ် (ATOM) ဝက်ဘ်ဆိုဒ် www.atom.com.mm တွင်လည်းကောင်း၊ Facebook စာမျက်နှာ www.facebook.com/ATOMOfficialPage တွင်လည်းကောင်း၊ LinkedIn စာမျက်နှာ www.linkedin.com/company/atom-myanmar/ တွင်လည်းကောင်း အသီးသီးမျှဝေပေးသွားမည်ဖြစ်သည်။
- ပြီး -
အက်တမ် (ATOM) အကြောင်း
အက်တမ် (ATOM) သည် လူ့အသိုင်းအဝိုင်းကို ဦးစားပေးပြီး (People-First) ရည်ရွယ်ချက်၊ ရည်မှန်းချက်များအတိုင်း လုပ်ဆောင်မည့် မြန်မာနိုင်ငံရှိ ဆက်သွယ်ရေးဝန်ဆောင်မှုပေးသည့် လုပ်ငန်းတစ်ခု ဖြစ်ပါသည်။ နိုင်ငံ၏ အကောင်းဆုံး 4.5G VoLTE ကွန်ရက်ဖြင့် ကျွန်ုပ်တို့သည် လူနေမှုဘဝတိုးတက်စေရန်၊ စီးပွားရေးလုပ်ငန်းများကို တိုးတက်ကောင်းမွန်ရန်နှင့် လူမှုအသိုင်းအဝိုင်းများအကြား ချိတ်ဆက်မှု ပိုမိုအားကောင်းစေမည့် စျေးနှုန်းသက်သာသော၊ လုံခြုံပြီး ကမ္ဘာ့အဆင့်မီ ဒစ်ဂျစ်တယ်ထုတ်ကုန်များနှင့် ဝန်ဆောင်မှုများစွာကို ပေးဆောင်လျက်ရှိပါသည်။ အက်တမ် (ATOM) သည် စဉ်ဆက်မပြတ် နည်းပညာဆိုင်ရာ ဆန်းသစ်တီထွင်မှုနှင့် အားလုံးပါဝင်သည့် ဒစ်ဂျစ်တယ်အခြေပြု အသိုင်းအဝန်းတည်ဆောက်ဖော်ဆောင် သွားမည်ဟု ကတိပြုပါသည်။ မျှော်မှန်းချက်ဖြစ်သည့် မြန်မာပြည်သူများအတွက် ပိုမိုကောင်းမွန်ခြင်းထက် သာလွန်သော ဘဝအတွေ့အကြုံများရရှိခံစားနိုင်စေရန် ပိုမိုကောင်းမွန်သောချိတ်ဆက်မှုဖြင့် မြန်မာနိုင်ငံကို ပံ့ပိုးလုပ်ဆောင်ပေးရန် ဖြစ်ပါသည်။ အသေးစိတ်သိရှိလိုပါက www.atom.com.mm သို့မဟုတ် Facebook နှင့် LinkedIn စာမျက်နှာများမှတစ်ဆင့် ဆက်သွယ်နိုင်ပါသည်။
သတင်းမီဒီယာများအနေဖြင့် ထပ်မံ သိရှိလိုသည်များကို ဆက်သွယ်မေးမြန်းရန် - communications@atom.com.mm ၊ atom@chilli.agency
Back to top
Share